نورا فتیحی کو قریب سے دیکھ کر ڈکی بھائی کی سِٹّی گم
معروف یوٹیوبر سعد الرحمان جو اپنے مداحوں میں ڈکی بھائی کے نام سے جانے جاتے ہیں ان کی ایک ویڈیو سوشل میڈیا پر تیزی سے وائرل ہو رہی ہے جس میں وہ مراکشی نژاد بالی وڈ ڈانسر نورا فتیحی کو اپنے قریب ڈانس کرتے دیکھ کر مبہوت دکھائی دے رہے ہیں۔
یہ وائرل ویڈیو ڈکی بھائی کے حال ہی میں جاری کیے گئے ایک ولاگ کا حصہ ہے جس میں انہیں اسٹیج پر نورا فتیحی کے بالکل قریب دیکھا جا سکتا ہے۔
حال ہی میں یوٹیوب پر شیئر کیے گئے اس ولاگ میں ڈکی بھائی نے متحدہ عرب امارات (یو اے ای) کی ریاست دبئی کا اپنا سفر دکھایا جہاں ان کے ساتھ دیگر یوٹیوبرز اور پاکستانی نژاد برطانوی باکسر عامر خان بھی موجود تھے۔
اسی ولاگ میں ڈکی بھائی نے ایک پروموشنل تقریب میں شرکت کی جہاں نورا فتیحی سمیت دیگر ڈانسرز نے بھی اپنی پرفارمنس پیش کی۔ ڈکی بھائی نے ولاگ میں دکھایا کہ کس طرح وہ اور ان کے ساتھی نورا فتیحی اور دیگر ڈانسرز کی پرفارمنس سے لطف اندوز ہو رہے تھے۔ ولاگ کے ایک حصے میں ڈکی بھائی نورا فتیحی کے بلانے پر اسٹیج پر پہنچ جاتے ہیں جہاں وہ کونے میں کھڑے ہو کر دوسروں کی طرح ڈانس کرنے کی کوشش کرتے دکھائی دیتے ہیں۔ اسی دوران انہیں نورا فتیحی کو انتہائی قریب سے ڈانس کرتے دیکھ کر حیرانی کے عالم میں دیکھا جا سکتا ہے۔ اسٹیج پر نورا فتیحی کے قریب جانے پر ڈکی بھائی اپنے دوستوں کو بتاتے ہیں کہ اب سارا پاکستان ان پر تنقید کرے گاکیونکہ انہوں نے پہلے ہی کہہ دیا تھا کہ انہیں ڈانس کرنا نہیں آتا۔ڈکی بھائی کی جانب سے اسٹیج پر نورا فتیحی کا ڈانس دیکھنے کی یہ ویڈیو تیزی سے وائرل ہو چکی ہےجس کے کمنٹ سکشن میں صارفین دلچسپ تبصرے کرتے نظر آرہے ہیں۔ ویڈیو پر کمنٹ کرتے ہوئے ایک صارف کا کہنا تھا کہ ‘ڈکی بھائی کو دیکھو نورا کو دیکھ کر بالکل گم سم ہوگئے ہیں‘۔ ایک اور صارف کا کہنا تھا کہ ‘نورا کو دیکھ کر ڈکی بھائی کو سمجھ نہیں آرہا کہ وہ ڈانس کریں یا نورا کو دیکھیں‘۔ ایک اور صارف کا کہنا تھا کہ ‘نورا کی دلکشی کو دیکھ کر ڈکی بھائی ہینگ ہوگئے ہیں‘۔